Continente María

Sinopse

Continente María é un canto á vida e ao teatro a través do diálogo coa extraordinaria figura de María Casares.

Mediante as múltiples posibilidades que nos ofrece o teatro, evocamos a María non só como a inesquecible actriz que foi, senón tamén como o ser humano que se entregou con absoluta intensidade á vida e á escena para vencer o medo e sobrepoñerse ao exilio, descubrindo nas táboas a súa verdadeira patria.

A Casares preséntasenos como un mapa a percorrer, mais non como turistas, senón como viaxeiras curiosas, gozando dos detalles que nos proporciona a súa paisaxe, chea de vitalidade e ganas de vivir en presente absoluto todo o que a realidade e a poesía nos poden ofrecer. Un mapa dun Continente inabarcable no que queremos permanecer porque estamos seguras de que vivir nel nos fará mellores, como individuos e como sociedade.

Conversamos co legado de María tratando de recoller a retranca, o humor e a musicalidade que se desprende das súas entrevistas e escritos, que se descobren ante nós como un faro que dá luz e claridade a un presente que precisa de referentes de liberdade e compromiso.

Entradas

Vídeos

Imaxes

Falan do espectáculo

O amplo rexistro interpretativo de Melania Cruz habitando a súa paisana María Casares é verdadeiramente antolóxico. Tito Asorey soubo extraer o mellor da gran actriz que leva dentro Melania co contrapunto de Vadim Yukhnevich, que transporta a Melania por un montón de estadios emocionais que a actriz vive e transmite con forza e verdade imparables ao patio de butacas.

José-Miguel Vila – Diario Crítico (12-06-2023)

“O traballo de Melania Cruz é espectacular. Rendida á comunicación co espírito da Casares, ofrece tal despregue de talentos que, sen pretender emulala fisicamente, fai que apareza María Casares diante de nós.”

Iván Fernández – Erregueté (12-11-2022)

“Melania (…) transmite-nos verdade. ‘Verdade’ é a palabra. E isto, por desgraça, non é nada habitual de achar no teatro. A diversidade de emoçons transmitida polos seus gestos faciais e corporais é percebida a cada instante polo público, até diría eu que como umha declaraçom de amor.”

Dieh QS – Erregueté (Nº103 1/2022)

“A peza —texto de Marianella Morena, dirección de Tito Asorey— está chea de momentos emocionantes, cunha protagonista capaz de transitar por multitude de rexistros con facilidade asombrosa, entregada ao espectador dun xeito cada vez máis sorprendente, en reviravolta continua cara ás profundidades humanas.”

Diego Ameixeiras – Fugas (03-06-2022)

“Melania Cruz fai de María Casares sen deixar de ser Melania, ‘Continente María’ emociona. Sen dúbida será un dos grandes espectáculos deste ano.”

Ernesto Is – ZigZag Diario (01-06-2022)

“Continente María pareceume unha declaración de amor ao teatro. Unha celebración do que, quizais, a vida ten de máis meritorio e urxente: a acción, a capacidade de decidir, a superación dos medos, a liberdade precisa para decidir e actuar. Nisto Melania Cruz brilla rutilante.”

Afonso Becerra – Artezblai (23-05-2022)

Equipo

Texto

Marianella Morena

Dirección e dramaturxia

Tito Asorey

Elenco

Melania Cruz
Vadim Yukhnevich

Produción executiva

Xosé A. Touriñán
Tito Asorey
Melania Cruz

Dirección de produción

Javi Lopa
Álvaro Pérez Becerra

Escenografía

José Faro “Coti”

Iluminación

Laura Iturralde

Videoproxeccións

Laura Iturralde
Miriam Rodríguez

Vestiario

Laura Baena

Espazo sonoro e Música orixinal

Vadim Yukhnevich

Voces en off

César Goldi
Tito Asorey

Comunicación

Saúl Rivas

Fotografía

Aigi Boga

Vídeo

Jairo Iglesias

Páxina web

Pilar Mera

Técnico

Xacobo Castro

Produción en xira

Paco Abelleira

Deseño do cartel e imaxe gráfica

Lidia Cao

Continente María na prensa

• Tres en la carretera: Continente María y el pasado que vuelve
  • Radio3 (25-06-2023)
• Crítica de la obra de teatro ‘Continente María’: exilio, teatro, compromiso y libertad
  • Diario Crítico (12-06-2023)
• Continente María. Marianella Morana presenta en el Matadero su peculiar semblanza sobre la actriz María Casares
  • Kritilo (10-06-2023)
• Homenaje a la actriz María Casares
  • Fanfan (07-07-2023)
• “Continente María”, la obra sobre el legado artístico y vital de la actriz María Casares, llega a Naves del Español
  • Masescena (05-06-2023)
• “Continente María” rinde homenajea a María Casares del 7 al 11 de junio en Naves del Español en Matadero
  • Cinemagavia (05-06-2023)
• Llega a Naves del Español en Matadero ‘Continente María’, la obra sobre el legado artístico y vital de la actriz María Casares
  • Gacetín Madrid (04-06-2023)
• María Casares con su talento para la escena y la llamada vida real en «Continente María»
  • Culturamas (02-06-2023)
• ‘Continente María’ llega a Madrid para dar a conocer la figura de la actriz María Casares
  • Artezblai (31-05-2023)
• Las obras de teatro en Madrid que no deberías perderte en junio
  • Madrid Secreto (31-05-2023)

Contratación e contacto

881 946 972 / ola@aine.gal