Continente María

Sinopse

Continente María é un canto á vida e ao teatro a través do diálogo coa extraordinaria figura de María Casares.

Mediante as múltiples posibilidades que nos ofrece o teatro, evocamos a María non só como a inesquecible actriz que foi, senón tamén como o ser humano que se entregou con absoluta intensidade á vida e á escena para vencer o medo e sobrepoñerse ao exilio, descubrindo nas táboas a súa verdadeira patria.

A Casares preséntasenos como un mapa a percorrer, mais non como turistas, senón como viaxeiras curiosas, gozando dos detalles que nos proporciona a súa paisaxe, chea de vitalidade e ganas de vivir en presente absoluto todo o que a realidade e a poesía nos poden ofrecer. Un mapa dun Continente inabarcable no que queremos permanecer porque estamos seguras de que vivir nel nos fará mellores, como individuos e como sociedade.

Conversamos co legado de María tratando de recoller a retranca, o humor e a musicalidade que se desprende das súas entrevistas e escritos, que se descobren ante nós como un faro que dá luz e claridade a un presente que precisa de referentes de liberdade e compromiso.

Entradas

Data	Localidade	Lugar	Entradas

Data	Localidade	Lugar
17 Feb – 18 Feb	Montevideo	Sala Lazaroff
28 Dec 2023	Candás	Teatro Prendes
22 Dec 2023	Alcorcón	Centro Cívico Viñagrande
21 Dec 2023	Madrid	Sala Mirador
20 Dec 2023	Valladolid	Teatro Cervantes
1 Nov 2023	Medellín	Patio Teatro Claustro San Ignacio
22 Out 2023	Manizales	Teatro Los Fundadores
20 Out 2023	Bogotá	Teatro Colsubsidio
14 Out 2023	Soria	Teatro Palacio de la Audiencia
7 Xuñ – 11 Xuñ 2023	Madrid	Naves del Español en Matadero
20 Abr 2023	Pontevedra	Teatro Principal
25 Mar 2023	Noia	Teatro Coliseo Noela
24 Mar 2023	Ames	Casa da Cultura de Bertamiráns
4 Mar 2023	Narón	Pazo da Cultura
28 Xan 2023	Cedeira	Auditorio Municipal
27 Xan 2023	Carballo	Pazo da Cultura
11 Dec 2022	Ourense	Teatro Principal
3 Dec 2022	París	Instituto Cervantes
26 Nov 2022	Viveiro	Teatro Pastor Díaz
11 Nov – 12 Nov 2022	Vigo	Auditorio Municipal
5 Nov 2022	Oleiros	Auditorio Gabriel García Márquez
28 Out 2022	O Barco de Valdeorras	Auditorio Municipal Lauro Olmo
21 Out 2022	Arteixo	Auditorio
20 Out 2022	Lugo	Auditorio Gustavo Freire
8 Xul 2022	Cangas	Auditorio Municipal
19 Mai – 29 Mai 2022	Santiago de Compostela	Salón Teatro
16 Mai 2022	A Coruña	Teatro Rosalía de Castro

Vídeos

Vídeo promocional

María Casares

O espectáculo

A proposta

Presentación na Coruña

Imaxes

Falan do espectáculo

O amplo rexistro interpretativo de Melania Cruz habitando a súa paisana María Casares é verdadeiramente antolóxico. Tito Asorey soubo extraer o mellor da gran actriz que leva dentro Melania co contrapunto de Vadim Yukhnevich, que transporta a Melania por un montón de estadios emocionais que a actriz vive e transmite con forza e verdade imparables ao patio de butacas.
José-Miguel Vila – Diario Crítico (12-06-2023)

“O traballo de Melania Cruz é espectacular. Rendida á comunicación co espírito da Casares, ofrece tal despregue de talentos que, sen pretender emulala fisicamente, fai que apareza María Casares diante de nós.”
Iván Fernández – Erregueté (12-11-2022)

“Melania (…) transmite-nos verdade. ‘Verdade’ é a palabra. E isto, por desgraça, non é nada habitual de achar no teatro. A diversidade de emoçons transmitida polos seus gestos faciais e corporais é percebida a cada instante polo público, até diría eu que como umha declaraçom de amor.”
Dieh QS – Erregueté (Nº103 1/2022)

“A peza —texto de Marianella Morena, dirección de Tito Asorey— está chea de momentos emocionantes, cunha protagonista capaz de transitar por multitude de rexistros con facilidade asombrosa, entregada ao espectador dun xeito cada vez máis sorprendente, en reviravolta continua cara ás profundidades humanas.”
Diego Ameixeiras – Fugas (03-06-2022)

“Melania Cruz fai de María Casares sen deixar de ser Melania, ‘Continente María’ emociona. Sen dúbida será un dos grandes espectáculos deste ano.”
Ernesto Is – ZigZag Diario (01-06-2022)

“Continente María pareceume unha declaración de amor ao teatro. Unha celebración do que, quizais, a vida ten de máis meritorio e urxente: a acción, a capacidade de decidir, a superación dos medos, a liberdade precisa para decidir e actuar. Nisto Melania Cruz brilla rutilante.”
Afonso Becerra – Artezblai (23-05-2022)

Equipo

Texto: Marianella Morena
Dirección e dramaturxia: Tito Asorey
Elenco: Melania Cruz
Vadim Yukhnevich
Produción executiva: Xosé A. Touriñán
Tito Asorey
Melania Cruz
Dirección de produción: Javi Lopa
Álvaro Pérez Becerra
Escenografía: José Faro “Coti”
Iluminación: Laura Iturralde
Videoproxeccións: Laura Iturralde
Miriam Rodríguez
Vestiario: Laura Baena
Espazo sonoro e Música orixinal: Vadim Yukhnevich
Voces en off: César Goldi
Tito Asorey
Comunicación: Saúl Rivas
Fotografía: Aigi Boga
Vídeo: Jairo Iglesias
Páxina web: Pilar Mera
Técnico: Xacobo Castro
Produción en xira: Laura Sixto
Deseño do cartel e imaxe gráfica: Lidia Cao
Administración: Elisa Martínez e Sofía García